Jafntefli gegn Svíþjóð
Síðastliðinn laugardag lék landslið kvenna skipað leikmönnum 21 árs og yngri gegn jafnöldrum sínum frá Svíþjóð. Íslenska liðið komst yfir um miðjan fyrri hálfleik þegar Rakel Logadóttir setti knöttinn í mark Svíanna. Sænsku stúlkurnar náðu svo að jafna metin í upphafi síðari hálfleiks og urðu það lokatölur leiksins, 1-1. Lið Íslands lék með sorgarbönd í leiknum vegna andláts Rafns Hjaltalíns, en hann lést aðfaranótt föstudagsins 9. júní. Á myndinni má sjá byrjunarlið Íslands.
|
Efri röð frá vinstri: Elfa B. Erlingsdóttir, Hjördís Þorsteinsdóttir, Guðrún S. Gunnarsdóttir, Hrefna B. Jóhannesdóttir, Laufey Ólafsdóttir, Erna B. Sigurðardóttir. Neðri röð frá vinstri: Elín Jóna Þorsteinsdóttir, Edda Garðarsdóttir (fyrirliði), Þóra B. Helgadóttir , Katrín Jónsdóttir, Rakel Logadóttir. |
