Úrslitaleikur Mjólkurbikars karla 2024

KA - Víkingur R.
Laugardaginn 21. september 2024

Leikurinn hefst kl. 16:00 en stúkan verður opnuð kl. 15:00.

Miðasala er í gangi hjá Tix Miðasölu og er hægt að kaupa miða með því að smella hér

Miðaverð

Fullorðnir - 2500 krónur (hækkar í 3500 krónur á leikdegi)

16 ára og yngri - 500 krónur

Um bikarkeppni KSÍ

Bikarkeppni KSÍ var fyrst haldin árið 1960 og er Mjólkurbikarinn í ár því 65. bikarkeppnin frá upphafi.  Fyrstu árin fór keppnin að mestu fram á haustin og jafnvel inn á vetrarmánuðina og var þá jafnan leikið á Melavellinum í Reykjavík. Síðan árið 1975 hefur úrslitaleikurinn hins vegar farið fram á Laugardalsvelli.

Sigursælasta liðið í bikarkeppni KSÍ frá upphafi er KR. Alls hafa KR-ingar unnið bikarinn 14 sinnum.  Næstir koma Valsmenn með 11 og Skagamenn með 9 bikarsigra og þá Framarar með 8 bikarmeistaratitla. ÍBV hefur unnið titilinn 5 sinnum, Keflavík og Víkingur R. 5 sinnum, FH og Fylkir tvisvar. Breiðablik, ÍBA og Stjarnan hafa unnið 1 bikarmeistaratitil hvert félag.

Fyrri viðureignir félaganna í bikarkeppni KSÍ

Af 81 innbyrðis mótsleikjum liðanna sem mætast í úrslitum í ár eru sex bikarleikir. Víkingur R. hefur unnið þrjá, KA hefur unnið tvo og endaði einn leikurinn með sigri Víkings eftir vítakeppni.

Fyrsta viðureignin var í Mjólkurbikarnum árið 1980 á Akureyrarvelli. Víkingur R. vann þann leik 3-0. Næst mættust liðin árið 1982 þar sem Víkingur R. vann 3-1 á Akureyrarvelli. Liðin mættust svo ekki aftur í bikarnum fyrr en árið 2003 og vann KA þá 1-0 sigur á Víkingsvelli. Liðin mættust aftur ári síðar og vann KA aftur á Víkingsvelli, nú 4-2. Fimmta viðureignin fór fram á Eimskipsvellinum 2019 og vann Víkingur R. hann eftir vítaspyrnukeppni. Síðasta viðureignin var svo í úrslitum bikarkeppninnar árið 2023. Þar vann Víkingur R. 3-1 sigur.

Bikarmeistarar frá upphafi

Sigurvegarar í bikarkeppni KSÍ

KR (14)
Valur (11)
ÍA (9)
Fram (8)
ÍBV (5)
Víkingur R. (5)
Keflavík (4)
FH (2)
Fylkir (2)
Breiðablik (1)
ÍBA (1)
Stjarnan (1)

Leið liðanna í bikarúrslitin

KA

32 liða úrslit - KA - ÍR 2-1

16 liða úrslit - KA - Vestri 3-1

8 liða úrslit - KA - Fram 3-0

Undanúrslit - KA - Valur 3-2

Víkingur R.

32 liða úrslit - Víkingur R - Víðir 4-1

16 liða úrslit - Grindavík - Víkingur R. 1-4

8 liða úrslit - Víkingur R. - Fylkir 3-1

Undanúrslit - Víkingur R. - Stjarnan 1-1 (5-4 vítakeppni)

Heiðursgestir

Heiðursgestir verða kynntir þegar nær dregur

Upphitanir félaganna

Upphitanir félaganna verða kynntar þegar nær dregur

Leikmannahópur KA