Þátttökutilkynningar meistaraflokka 2024
Vinsamlegast athugið að til þess að þátttökutilkynningin teljist fullgild verður undirritað eintak af þátttökutilkynningunni að berast skrifstofu KSÍ á netfangið: birkir@ksi.is.
Þátttökugögn fyrir knattspyrnumótin 2025 í meistaraflokkum hafa verið birt hér á vef KSÍ. Þátttökutilkynningum í Íslandsmót og bikarkeppni meistaraflokka ber að skila fyrir 10. nóvember.
Í öðrum mótum, þar með talið í Utandeild KSÍ, ber að tilkynna þátttöku í síðasta lagi 5. janúar.
Sérstakt þátttökueyðublað verður sent út í desember fyrir yngri flokkana.
Ný félög í keppni meistaraflokks
Vakin er athygli á því að öll ný félög sem hefja keppni í meistaraflokki 2025 (deild og/eða bikar) og félög sem ekki hafa tekið þátt í keppni meistaraflokks síðustu þrjú keppnistímabil, þurfa að leggja fram með þátttökutilkynningunni eftirfarandi viðbótargögn:
- Staðfestingu frá ÍSÍ um stofnun félagsins (ný félög).
- Staðfestingu aðalstjórnar félagsins um heimild til þátttöku.
- Staðfestingu viðkomandi vallaryfirvalda um heimild til afnota af leikvelli.
- Leikmannalista – Lágmark 25 leikmenn.
Óskir félaga vegna leikja
Mótanefnd KSÍ óskar eftir því að félög komi á framfæri við nefndina þeim óskum sem þau telja að nefndin eigi að leitast við að uppfylla við niðurröðun leikja fyrir sumarið 2025.
Dæmi um óskir:
- Framkvæmdir á leikvelli sem hafa áhrif á niðurröðun.
- Ósk um að eiga ekki heimaleik á ákveðnum degi þar sem völlurinn er upptekinn eða viðburðir á svæðinu sem koma í veg fyrir að hægt sé að leika.
- Ósk um að eiga ekki heimaleik í fyrstu umferð vegna vallarmála.
- Ósk um að eiga heimaleik á ákveðnum degi vegna viðburðar á svæðinu sem gæti aukið aðsókn.
- Óskir m.t.t. ferðatilhögunar, t.d. tímasetning útileikja.
- Tímasetning/dagsetning heimaleikja.
- Aðrar óskir/ábendingar.
Upplýsingar í símaskrá KSÍ
Af gefnu tilefni eru félögin beðin um að tilkynna KSÍ um allar breytingar á símanúmerum og netföngum. Mikilvægt er að skilaboð frá skrifstofu KSÍ komist ávallt til skila og berist til réttra aðila.
Vinsamlegast kynnið ykkur hvaða upplýsingar birtast um ykkar félag á vef KSÍ undir flipanum „Aðildarfélög“ (Um KSÍ / Aðildarfélög) og tilkynnið um allar breytingar til: media@ksi.is
Munið að öll þátttökugögn skulu berast fyrir 10. nóvember!